ԿԳՄՍ նախարարութեան աջակցութեամբ, ՀՀ վարչապետի տիկին Աննա Հակոբեանի հովանու ներքոյ, Ազատութեան հրապարակում անցկացուած է «Կողք կողքի» 7-րդ միջազգային ներառական երաժշտական արտ-փառատոնի եզրափակիչ գալա-համերգը։ 

 

Փառատոնի մասնակիցները մէկ բեմում՝ կողք կողքի, հանդես եկած են հայաստանեան երաժշտական ոլորտի անվանի արտիստներ՝ հայկական ջազի լեգենդ Լևոն Մալխասեանի, Լիպարիտ Ավետիսեանի, Ռուբեն Հախվերդեանի, Վարսենիկ Ավանեանի, Գոռ Սուջեանի, Իվետա Մուկուչեանի, Ռոբերտո Քել Տոռեսի, Հասմիկ Կարապետեանի, Արամեի, ինչպէս նաեւ A’Chila, «Նեմրա», «Գաթա Բենդ», «Լավ Էլի» երաժշտական խմբերի հետ։

 

Գալա-համերգի ողջ ընթացքում հանդիսատեսը, հյուրերն ու անցորդները երգով ու պարով միացած են փառատոնի մասնակիցներին՝ Ազատութեան հրապարակը վերածելով միջազգային արվեստի, ջերմութեան ու ներառականութեան կենտրոնի։

 

Գալա-համերգի շրջանակում Ազատութեան հրապարակի տարածքում կազմակերպուած էր նաեւ զարգացման առանձնահատկութիւններ ունեցող երեխաների նկարչական եւ ձեռագործ աշխատանքների ցուցահանդէս-վաճառք։

 

Այս տարի փառատոնին մասնակցած են զարգացման առանձնահատկութիւններ ունեցող երեխաներ եւ պատանիներ Հայաստանի բոլոր մարզերից, ինչպէս նաեւ արտերկրից՝ Ռուսաստանից, Վրաստանից, Մոլդովայից, Ուզբեկստանից ու այլ երկրներից։

 

Միջոցառումը իրականացուցած է «Կողք կողքի» կրթամշակութային հասարակական կազմակերպութիւնը՝ Երևանի քաղաքապետարանի հովանավորութեամբ։

 

«Կողք կողքի» 7-րդ միջազգային ներառական երաժշտական արտ-փառատոնը անցկացուած է հոկտեմբերի 2-5-ը՝ «Ներառական հասարակութիւն՝ քաղաքակիրթ երկիր» կարգախոսի ներքոյ։ Փառատոնի բացման պաշտոնական արարողութիւնը տեղի ունեցած է Կամերային երաժշտութեան տանը, որի շրջանակում կայացած է «Առաջին քայլեր» խորագրով համերգը։ Երաժշտական կատարումներով հանդես եկած են Երևանի եւ ՀՀ մարզերի երաժշտական ու արվեստի դպրոցների, տարածքային մանկավարժահոգեբանական աջակցութեան կենտրոնների սաները, ինչպէս նաեւ արտերկրի մասնակիցները։

 

Գ. Սունդուկեանի անվան ազգային ակադեմիական թատրոնի փոքր բեմում («Black Box») ներկայացուած են թատերական բեմադրութիւններ՝ զարգացման առանձնահատկութիւններ ունեցող երեխաների եւ պատանիների մասնակցութեամբ։

 

Ներառական ոլորտի մասնագետների համար առցանց ձեւաչափով անցկացուած է վարպետութեան դաս-սեմինար՝ Ռուսաստանի եւ Ամերիկայի Միացյալ Նահանգների միջազգային որակավորում ունեցող բժիշկ-մասնագետների մասնակցութեամբ։ Հայաստանում ներառականութեան զարգացմանն ու խթանմանը, ինչպէս նաեւ ոլորտում շարունակական կրթութեան ապահովմանն ուղղուած վարպետութեան դասին մասնակցած են տարբեր կազմակերպութիւնների շուրջ 200 մասնագետ, ծնող եւ խնամակալ։

 

2019 թվականին հիմնադրուած «Կողք կողքի» փառատոնի ձեւաչափն ու աշխարհագրութիւնը տարիների ընթացքում ընդլայնուած են։ Հանրապետական կարգավիճակից փառատոնը երկրորդ տարում դարձել է միջազգային՝ հյուրընկալելով մասնակիցների Ֆրանսիայից, Գերմանիայից, Ռուսաստանից, Բելառուսից, Ղազախստանից, Մոլդովայից, Վրաստանից, Բահրեյնից եւ այլ երկրներից։

 

ԿԳՄՍՆ