Սեպտեմբերի 5-ին Հայաստանի պետական սիմֆոնիկ նվագախումբը մեծ համերգային ծրագրով հանդես կ'գայ Դիլիջանում։

 

Green Rock հիմնադրամի, Green Rock ընկերութեան եւ Հայաստանի պետական սիմֆոնիկ նվագախմբի միջեւ օգոստոսի 27-ին ստորագրուած հուշագրի շրջանակում սա պիտի ըլլայ առաջին համատեղ միջոցառումը։

 

«Սիմֆոնիկ Դիլիջան» համերգային ծրագրում ընդգրկուած են համաշխարհային եւ հայկական դասական երաժշտութեան հայտնի ստեղծագործութիւններ, այդ թվում՝ Պյոտր Չայկովսկու, Արամ Խաչատրյանի, Առնո Բաբաջանյանի, Դմիտրի Շոստակովիչի, Յոհան Շտրաուս II-ի եւ Տիգրան Մանսուրյանի ստեղծագործութիւնները։

 

Ծրագրի երկրորդ հատվածում կհնչեն նաեւ հանրահայտ ստեղծագործութիւնների սիմֆոնիկ մշակումներ՝ Մայքլ Ջեքսոնի «Black or White», System of a Down-ի «Aerials», Queen-ի «The Show Must Go On» եւ «We Are the Champions», ինչպես նաեւ Շարլ Ազնավուրի «Les plaisirs démodés» եւ «Emmenez-moi» երգերը։

 

Համերգը տեղի պիտի ունենայ սեպտեմբերի 5-ին, ժամը 19:00-ին, Դիլիջանի Villa 3 Community Hub-ի հարակից տարածքում՝ Մաքսիմ Գորկու 3/2 հասցէում։

 

Նշենք, որ հենց այս տարածքում Green Rock-ը նախատեսում է կառուցել Դիլիջանի նոր եւ ժամանակակից համերգասրահը։

 

Համերգը կազմակերպուած է Green Rock հիմնադրամի կողմէ՝ Դիլիջանի մշակութային կեանքը հարստացնելու եւ քաղաքը որպէս զբոսաշրջային ուղղութիւն աւելի գրավիչ դարձնելու նպատակով։

 

Բացօթյա համերգի մուտքը ազատ է բոլոր ցանկացողների համար։