Գերմանիայի կառավարությունն աննախադեպ խոշոր ֆինանսական աջակցությունն է հատկացրել Կովկասի բնության հիմնադրամին

13-11-2019 12:33:41   | Հայաստան  |  Մամլո հաղորդագրություն
Գերմանիայի կառավարությունը հերթական, աննախադեպ խոշոր ֆինանսական աջակցությունն է հատկացրել Կովկասի բնության հիմնադրամին (CNF): CNF- ի և Գերմանական զարգացման բանկի՝ KfW- ի միջև ստորագրվել է համաձայնագիր ՝ Գերմանիայի տնտեսական համագործակցության և զարգացման նախարարության կողմից (BMZ) CNF- ին 16,4 միլիոն եվրոյի լրացուցիչ ֆինանսավորում հատկացնելու համար, ինչը կամրապնդի և կզարգացնի CNF- ի կարողությունը՝ շարունակելու  մեր տարածաշրջանում կենսաբազմազանության պահպանությանն ուղղված իր առաքելությունը:
 


«Այս 16,4 միլիոն եվրոյի ներդրումը թույլ կտա մեզ ընդլայնել մեր աջակցությունը պահպանվող տարածքներին, քանի որ մենք հասցեագրում ենք համակարգային մարտահրավերները կապված ցածր աշխատավարձերի ու կարողությունների հետ՝ ապահովելով երկարաժամկետությունն ու կայունությունը», – ասել է CNF- ի գործադիր տնօրեն Ջորջ Ջակոմինին:
 
CNF- ի խորհրդի նախագահ Դևիդ Մորիսոնը նշել է , որ այս հատկացումն ամենամեծն է այն պահից,
երբ 10 տարի առաջ  CNF-ը սկսեց իր գործունեությունը և գնալով այն բարելավում է  իր ֆինանսական կայունությունը, քանի որ  միջոցներն օգտագործվում են կենսաբազմազանության պահպանության իրական արդյունքների հասնելու համար:
 
«Ես անչափ երախտապարտ եմ այն ​​վստահության և գործընկերության համար, որը մենք ունենք Գերմանիայի կառավարության և KfW բանկի հետ», -նշել է Դևիդ Մորիսոնը:
 
«Սա ցույց է տալիս, որ Գերմանիայի կառավարությունը վստահում է CNF- ին և այն գործին, որն այն կատարում է՝ բարելավելով աշխարհի այս եզակի և գեղեցիկ հատվածի կենսաբազմազանության պահպանությունը», – նշել է CNF-ի  խորհրդի անդամ և KfW- ի Արևելյան Եվրոպայի, Կովկասի և Կենտրոնական Ասիայի էներգետիկայի և բնական պաշարների բաժնի ղեկավար Թոմաս Այզենբախը:
 
Նշենք, որ միայն Հայաստանում, 10 տարիների գործունեության ընթացքում, բնության հատուկ պահպանվող տարածքների պահպանության համար Կովկասի բնության հիմնադրամի կողմից հատկացվել է ավելի քան 4,5 միլիոն եվրո:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 339 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար