Սոցփաթեթից օգտվելու համար փախստականի նույնականացման քարտ ունենալու պարտադիր պահանջը սահմանվել է 2021թ. փետրվարի 1-ից

11-10-2019 17:34:18   | Հայաստան  |  Մամլո հաղորդագրություն
              
Սոցփաթեթից օգտվելու համար փախստականի նույնականացման քարտ ունենալու պարտադիր պահանջը սահմանվել է 2021թ. փետրվարի 1-ից
 


2019 թվականի հոկտեմբերի 10-ից ուժի մեջ է մտել Կառավարության 2019թ. սեպտեմբերի 26-ի N 1304-Ն որոշումը:
 
Այս որոշմամբ հստակեցվում է սոցիալական փաթեթի շահառուների շրջանակը և որոշակի փոփոխություններ են կատարվում իրավակիրառական պրակտիկայում ի հայտ եկած առանձին խնդիրներին լուծում տալու նպատակով: 
 
Ամրագրվել է դատարանի կողմից նախկին աշխատանքում վերականգնված անձանց, ինչպես նաև, պետական կառավարման այլ մարմիններ ժամանակավոր գործուղվողների (նաև գործուղվող դիվանագետների) համար սոցփաթեթի իրավունքի պահպանման երաշխիք:
 
Սահմանվել է նաև աշխատողի դրույքի փոփոխման դեպքում սոցփաթեթի գումարի չափի հաշվարկման առավել օպտիմալ կարգավորում:
 
Փախստականներին նույնականացման քարտ տրամադրելու տեխնիկական խնդիրներով պայմանավորված՝ սոցփաթեթից օգտվելու համար փախստականի նույնականացման քարտ ունենալու պարտադիր պահանջը 2019 թվականի փոխարեն սահմանվել է 2021թ. փետրվարի 1-ից:
 
Սոցփաթեթի՝ համավարկառու հանդիսացող շահառուին ևս սոցփաթեթի հիպոթեկային բաղադրիչից օգտվելու հնարավորություն է տրվել (եթե հանդիսանում են բնակարանի սեփականատեր (համասեփականատեր)):
 
 
 
ՀՀ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ  ՆԱԽԱՐԱՐՈՒԹՅՈՒՆ
ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԲԱԺԻՆ
 
 
 
 
նպատակով:    Ամրագրվել
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 680 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար