ԱԻՆ-ը զինում է անվտանգության գիտելիքներով

25-06-2019 17:22:41   | Հայաստան  |  Հասարակություն
Հունիսի 25-ին «Ազադ ֆարմասյութիքլզ» գիտահետազոտական կենտրոնում Արտակարգ իրավիճակների նախարարության Փրկարար ծառայության Փրկարարական ուժերի վարչությունը (ՓՈՒՎ) և Աղետների բժշկության կենտրոնը համատեղ անցկացրեցին տեսագործնական դասընթաց: 
 


Դասընթացի նպատակն էր գիտելիքներով զինել «Ազադ ֆարմասյութիքլզ» ընկերության անձնակազմին՝ հրդեհային անվտանգության վարքականոնների, առաջին բուժօգնության սկզբունքների վերաբերյալ:
 
Դասընթացի տեսական մասի ընթացքում ՓՈւՎ փրկարարական վարժանքների և փրկարարական մրցաշարերի կազմակերպման բաժնի պետ փ/ծ գնդապետ Մ. Ավետիսյանն անձնակազմին ներկայացրեց հրդեհային անվտանգության վարքականոնները, հրդեհի ընթացքում անհրաժեշտ գործողությունները:
 
Այնուհետ Աղետների բժշկության կենտրոնի ուսումնական բաժնի հրահանգիչ փ/ծ կապիտան Ս. Թադևոսյանն անդրադարձավ քիմիական այրվածքների ու թունավորումների դեպքում առաջին բուժօգնության սկզբունքներին:
 
Դասընթացի գործնական մասի ընթացքում տեղի ունեցավ անձնակազմի տարհանում: Մասնակիցները ծանոթացան հրդեհը վաղ փուլում մարելու համար նախատեսված կրակմարիչների աշխատանքին և իրենք իսկ փորձեցին դրանք օգտագործել՝ մարելով հրդեհը:
 
Դասընթացը նախաձեռնել էր ընկերությունը՝ հատուկ խնդրանքով դիմելով ԱԻ նախարար Ֆելիքս Ցոլակյանին: 
 
Դասընթացի ավարտին «Ազադ ֆարմասյութիքլզ» գիտահետազոտական կենտրոնի անձնակազմը շնորհակալություն հայտնեց ԱԻ նախարար Ֆելիքս Ցոլակյանին և փրկարարներին՝ իրենց անվտանգության գիտելիքներով զինելու համար:
 
Հարկ է նշել նաև, որ մեկ այլ նման ուսումնական վարժանք՝ հրդեհաշիջման աշխատանքների կազմակերումը թեմայով, այս ընկերությունում անցկացվել էր նաև 2017 թվականին:
 
գործողությունները:   Այնուհետ
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 341 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար