Սպանված զինվորների մայրերը ներեցին Աշոտին. ցմահ դատապարտյալը բացում է փակագծերը



25-06-2019 14:04:02   | Հայաստան  |  Իրավունք
1996 թվականին Հայաստանի զորամասերից մեկում տեղի է ունենում սպանություն, երեք զինծառայող սպանված են, չորրորդ զինվորը, ով կատարել էր այդ սպանությունը ձերբակալվել  և դատապարտվել է մահապատժի` գնդակահարության: 
 


Մարդասպանի խարանով մահապատժի դատապարտվածը՝ 19 ամյա Աշոտ Մանուկյանն էր: Աշոտ Մանուկյանը 7 տարի սպասում էր մահվան:  2003թ  օգոստոսի 1-ին  հայաստանյան բանտերում գտնվող՝  մահապատժի  դատապարտված 42 դատապարտյալ դարձան ցմահ ազատազրկվածներ։ Նրանց ճակատագիրը  փոխեց    գործող նախագահ Ռոբերտ Քոչարյանի  01.08.2003թ. ՆՀ-103-Ա  հրամանագիրը,որով նրանց ներում շնորհվեց  եւ մահապատիժը փոխարինվեց ցմահ ազատազրկմամբ:
Աշոտ Մանուկյանը 23 տարիների ընթացքում տառապել է ու ներում խմնդրել սպանվածների հարազատներից:
Իր ցավն ու զղջումը նա արտահայտել է «Հանցագործություն, ողբերգություն, տառապանքներ» գրքում:
«Սիրելի զինվոր, սիրելի եղբայր, ինչպես կցանկանաս անվանել կատարվածը` արդեն շատ ուշ է, որևէ բան փոխել հնարավոր չէ: Հայրենիքը կորցրեց չորս զինվորի, չորս օջախի ծուխ մարվեց, չորս երիտասարդ կյանք մարվեց, ովքեր կարող էին լինել և հայրենիքի լավ զինվոր, և լավ քաղաքացի: Բայց տեղի ունեցավ սարսափելին, երեքը երկնքում են, չորրորդը` մարդասպանի խարանով, բանտում»,-գրում է Աշոտ Մանուկյանը:
Աշոտ Մանուկյանը տարիներ շարունակ ներում է խնդրել սպանված տղաների մայրերից: Մայրերը նրան ներել են: Վլադիմիր Օսիպյանի մայրը նշում է, որ Աշոտը իր մնացած կյանքը թող անցկացնի ազատության մեջ:
Աշոտ Մանուկյանի շահերի պաշտպան, փաստաբան Միհրան Պողոսյանն էլ  նշում է՝ Աշոտ Մանուկյանի գործը բացառիկ է, որովհետև նրա վարքը 23 տարիների ընթացքում եղել է բացառիկ լավը:
Ցմահ դատապարտյալը հարցազրույցի ընթացքում պատմում է իր երազանքների, հանցագործության դրդապատճառների և ազատության մեջ լինելու իր երազանքի մասին:
 
Մանրամասները՝ տեսաֆիլմում:
 
Լուսին Ղազարյան
Լրագրող 
 
 
Նոյյան տապան   -   Իրավունք
Լուրեր Հայաստանից եւ Սփյուռքից

Կարդացել են 548 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար