Ինչու է իրականում մայրը սպանել իր 7-ամյա երեխային. մանրամասներ. armlur.am



25-06-2019 13:36:32   | Լոռու մարզ  |  Ի՞նչ է գրում մամուլը
armlur.am Լոռու մարզի Հարթագյուղ համայնքում օրեր առաջ արտակարգ դեպք էր տեղիունեցել. մայրը խեղդամահ էր արել 7-ամյա դստերը:
 


Դեպքի առավել մանրամասների շուրջ ArmLur.am-ը զրուցել է Հարթագյուղ համայնքի ղեկավար Անդրանիկ Հարությունյանի հետ.«Նրանք այստեղ չեն բնակվել: Այդ կինը 22 տարեկան հասակում մեր գյուղ հարս է եկել: Առաջին ամուսինը Զովունիում հովիվ էր աշխատում, հետո տեղափոխվեցին մեր գյուղ, ընտանեկան անախոր
ժության պատճառով բաժանվեցին»:
 
Ըստ գյուղապետի` կինը երկրորդ անգամ է ամուսնացել, ապրել է ամուսնու հետ Երեւանում: Ամուսնու անունը Հովհաննես է: Երեխան առաջին ամուսնուց էր, եկել է գյուղ, երկու ժամ հետո այդ դեպքը
պատահել է: ArmLur.am-ի հետ զրույցում Անդրանիկ Հարությունյանը նշեց, որ դեպքը տեղի է ունեցել 30-ամյա Ա. Կարապետյանի մորը պատկանող բնակարանում, որտեղ երեխային գտել են խեղդամահ եղած: Նշենք, որ կնոջ կողքին հայտնաբերվել էին նաեւ դեղորայքի դատարկ տուփեր: Իրավապահների ահազանգով դեպքի վայր ժամանած շտապօգնության խումբը դեղորայքային թունավորման կասկածանքով կնոջը տեղափոխել էր Սպիտակի բժշկական կենտրոն, ժամեր անց` արդեն Երեւան: Թե ինչու երիտասարդ մայրը կարող էր իր 7-ամյա դստերը խեղդամահ անել, շատերի մոտ է անպատասխան հարցեր թողել: 
 
«Ժողովուրդ» օրաթերթին կատարված դեպքից մանրամասաներ են հայտնի դարձել, մասնավորապես այն, որ 30-ամյա Ա. Կարապետյանը իրավապաներին իր այդ քայլը բացատրել է նրանով, որ երեխան շատ էր ցանկանում գնալ իր տատիկի մոտ, իսկ ինքն էլ իր երեխային ուղարկեց տատիկի մոտ: Նշենք, որ երեխայի տատիկը վաղուց մահացել է: Ինչեւէ, իրավապահնեը Ա. Կարապետյանի առողջական վիճակի եւ գործողությունների մասով մի շարք փորձաքննություններ են նշանակել: Ավելին, իրավապահները պարզել են, որ Ա. Կարապետյանը տեւական ժամանակ, իր առողջական վիճակից ելնելով, հանգստացնող դեղեր է օգտագործել: Առավել մանրամասն՝ ArmLur.am-ի տեսանյութում:
 
Քնար Մանուկյան 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 353 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար